|
Hircus lascivum animal est, petulans et fervens semper ad coitum, cujus
oculi ob libidinem in transversum aspiciunt, unde nomen traxit; nam
hirquii sunt oculorum anguli, secundum Suetonium. Cujus natura adeo
calida est, ut adamantem lapidem, quem nec ignis nec ferrum domare
valet, solus hujus cruor dissolvat. Hoedi secundum quosdam ab edendo
vocati sunt; parvi enim pinguissimi sunt et saporis jucundi, unde et
hoedus et hoedulus nominatur, sed quia hoedus scribitur sic, aliis dici
videtur quod, si h in f mutetur, fiat foedus.
|
|
