CAP. XXX. De cinnamulgo.

Cinnamulgus et ipsa Arabiae, avis est, proinde ita vocata, quod in excelsis nemoribus texit nidos ex fructibus cinnami et quia non possunt illuc homines ascendere propter ramorum altitudinem et fragilitatem, eosdem nidos plumbatis appetunt, et sic cinnama illa dejiciunt, et pretiis amplioribus vendunt, eo quod haec cinnama magis quam alia mercatores probant.