CAP. XLIV. De amphysibaena.

Amphisibaena dicta eo quod duo capita habeat, unum in loco suo, alterum in cauda, currens ex utroque capite, tractu corporis circulato. Haec sola serpentium frigori se committit, prima omnium praecedens, de qua idem Lucanus:

Et gravis in geminum vergens caput amphisibaena.
Cujus oculi lucent veluti lucernae.

De hydro et hydra vide lib. II, cap. 7.