CAP. XXX. De mystico rationali.

Deinde sanctorum nomina recensentur, ut cum suffragiis eorum, quasi cum incenso arietum, oblata acceptentur nostra sacrificia. In hujus rei significationem Aaron in rationali, quod erat ei in pectore, duodecim patriarcharum nomina ascripta ferebat. Et haec autem commemoratio sanctorum, et illa nominum inscriptio, hoc intendit, ut quicunque ad mensam Domini accedis, sanctorum Patrum puritatem mente imiteris.