|
Sapiens, quidam cum de modo et forma discendi interrogaretur:
|
“Mens, respondit, humilis, studium quaerendi, vita quieta, scrutinium
tacitum, paupertas, terra aliena: haec reserare solent nonnulla obscura
legenti.”
|
|
Audierat puto quod dictum est:
|
“Mores ornant scientiam,”
|
|
et ideo praeceptis legendi, praecepta quoque vivendi adjungit, ut et
modum vitae suae et studii rationem lector agnoscat. Illaudabilis est
scientia, quam vita maculat impudica. Et idcirco summopere cavendum est
ei qui quaerit scientiam, ut non negligat disciplinam.
|
|
