|
(GEN. XXVIII.) Tulit de lapidibus, qui jacebant, etc. . Verisimile est
quod non solus ibat Jacob eo, quod dormierit extra civitatem quae
civitas prius vocata est Luxa, et postea dicta est ab illo Bethel,
propter visionem quam vidit juxta civitatem dormiens lapide supposito ad
caput suum. Quam terribilis est locus iste. Dignus reverentia, cum
timore scilicet propter majestatem ibi visam. Erexit in titulum. Signum
scilicet, et monimentum visionis suae. Et lapis iste quem erexi, etc. Et
civitatem, et ipsum lapidem domum Dei, id est Bethel vocat.
|
|
