|
Regnum Argivorum sub Inacho primo rege exortum, usque ad novissimum
Acrisium cucurrit per annos quingentos quadraginta quatuor ab anno primo
Jacob patriarchae usque ad annum duodecimum Deborae et Barach judicum
Israel. Reges igitur Argivorum sunt Inachus, Phoroneus, Apis, Argus,
Criasus, Phorbas, Triopas, Crotopus, Sthelenus, Danaus, Lynches, Abas,
Proetus, Acrisius. Post haec in Mycenas imperium est translatum.
Perseus, Acrisio non sponte interfecto, migravit ab Argis. Reges
Mycenarum sunt Perseus, Sthelenus, Earisteus Stheleni filius, Atreus et
Thyestes, Agamemnon, Egystus, Orestes, Thisamenus, Pentilus, Comethes .
|
|
