CAP. VIII. De regno Asiae. |
In Asia minore post Alexandrum Magnum regnavit Antigonus annis decem novem. Post hunc autem regnavit Demetrius Poliorcetes decem septem annis. Post hunc Demetrius Seleuco regi Syriae se tradidit, et regnavit Seleucus in Asia et Syria. His igitur breviter exsecutis, ad sequentia transeamus. Sed priusquam de Ptolemaeo Lagi filio, qui post Alexandrum magnum in Aegypto regnavit, dicam, exordium regni Aegypti, cujus supra memini, cursumque ejus usque ad haec tempora paucis expedire curabo . |