|
Temperantia est in illicitos animi impetus rationis firma et discreta
dominatio. Ejus comites sunt discretio, morigeratio, taciturnitas,
jejunium, sobrietas, afflictio carnis, contemptus saeculi.
Discretio est dijudicandis rerum causis provida humanorum motuum
moderatrix ratio.
Morigerationis est, servata propria virtute, se juste pieque moribus
secum commorantium contemperare.
Taciturnitas est cum quadam fructuosa animi quiete a verbis etiam
utilibus linguae suae coercitio.
Jejunium est interiorum vigilantia discreta parcimoniae custodia.
Sobrietas est pura ab illecebris utriusque hominis temperantia, dicta
quod ebrietate seorsum ac separata sit.
Afflictio carnis est per quem lascivae mentis seminaria castigatione
discreta comprimuntur.
Contemptus saeculi est ex intuitu caducorum ratione inductus amor
aeternorum.
|
|
