|
Sequitur:
Quis scit si convertatur, et ignoscat,
et relinquat post se benedictionem?
Quis, in hoc loco non dubietatem significat, sed charitatem. Ac si
dicat: Quis scit si convertatur homo, et Deus ignoscat? Tantummodo
praecedat conversio, nulla sequitur veniae dilatio. De die autem et hora
conversionis nemo novit nisi solus Filius, et cui voluerit Filius
revelare. Spiritus enim ubi vult spirat; et vocem ejus audis, sed nescis
unde veniat, aut quo vadat (Joan. III).
|
|
