|
D. Quae fuit formatio diei tertiae? M. Aquae illae quae sub firmamento
pendentes remanserant compactae sunt ad invicem; et pondere tandem
deorsum pressae congregatae sunt in locum unum (Gen. I), id est in
magnam illam abyssum quam prius desuper obtexerant: unde et nunc ad
omnes terrarum partes per thracones et alveos suos derivantur.
Congregatis autem aquis, coepit apparere arida (ibid.), hoc est terra,
quae prius caligine illa et confusione involuta latuit; quam apparentem
Deus germinibus suis vestivit: et sic completum est opus diei tertiae.
|
|
