|
Favus distillans labia mea (Cant. IV). Favus Verbum caro factum est in
Virgine, distillans redundantiam signat. De hoc solo quia plenus gratia
fuit, dici non potuit: Plui super civitatem unam, et super alteram non
plui. Pars una compluta est, et pars quae compluta non est, aruit (Amos.
IV). Ipse enim totus redundans, et gratiam fundens, quia quod fecit et
dixit doctrina fuit; quod fuit medicina. Alterum exemplum, alterum
remedium, et de plenitudine ejus omnes accepimus (Joan. I). Ideo
distillans, quia unicuique secundum mensuram gratiae infundens.
|
|
