|
Duae sunt viae, una lata ad perditionem, altera arcta ad vitam. Illa
quae lata est, multos habet incedentes per se. Illa quae arcta est,
paucos capit. In omni enim genere quae pretiosa sunt, rara sunt, quae
vilia sunt, numero abundant. Lata autem via est ire quo libet, et facere
quod placet. Arcta via est praeceptis regi, et desideria fluxa stringere
ad regulam aequitatis. Duae ergo viae sunt, una mortis, altera vitae; et
duo populi, malorum et bonorum; et duo reges, diabolus et Christus. Et
praecedit uterque exercitum suum, unus ad mortem, alter ad vitam.
Christus humilitate, diabolus elatione; Christus puritate, diabolus
impuritate: Christus obedientia, diabolus contumacia. Et quem quisque
ducem sequitur in via, habebit regem in patria .
|
|
