CAP. XIII. Quid sit providere Dominum in conspectu suo semper.

Providebam Dominum in conspectu meo semper (Psal. V). Dominum providet, qui in tribulatione positus, spem in Domino habet. Quasi enim providere est de praesenti tribulatione futurum auxilium exspectare. Sed si quando diuturna exspectatione fatigatus animas spem coeptam deserit, quasi conspectum a Domino avertit. Semper autem in conspectu suo Dominum providet qui, in pressura constitutus, et divinum auxilium quandoque sibi adfuturum confidit, et spem coeptam usque in finem non deserit