|
Quoniam loquetur pacem in plebem suam; et super sanctos suos (Psal.
LXXXIV). Quatuor sunt paces: duas dat mundus, et duas dat Deus. Mundus
dat pacem in tranquillitate rerum temporalium: et in sanitate corporum.
Deus dat pacem in tranquillitate mentis, et in gaudio contemplationis.
Sed ea pax quae est in tranquillitate mentis in homine est; ea quae est
in gaudio contemplationis, supra hominem est. Illam Deus in plebem
loquitur, quia eam imperfectioribus tribuit; hanc super sanctos, qui eam
perfectioribus concedit.
|
|
