CAP. LXVI. De fide operatione, et retributione bonorum.

Exortum est in tenebris lumen rectis corde; misericors, et miserator, et justus Dominus (Psal. CXI), haec est fides. Jucundus homo qui miseretur, et commodat, disponet sermones suos in judicio, quia in aeternum non commovebitur, haec est operatio. In memoria aeterna erit justus, ab auditione mala non timebit, haec est retributio.