TIT. XCVI. De triplici habitatione Dei.

Non est hic aliud nisi domus Dei (Gen. XXVIII). Tria Deus inhabitat: mundum, Ecclesiam, fidelem animam. In mundo est, ut imperator in regno per essentiam et potentiam. In Ecclesia ut paterfamilias in domo per praesentem justitiam, quia ipse est qui justificat eam. De cujus plenitudine omnes accepimus (Joan. I). Creat, recreat, conservat in anima per spiritualem gratiam.