|
Triplex est longanimitas: Dei ad hominem, hominis ad Deum, hominis ad
hominem. Prima est exspectatio qua Deus longanimiter exspectat hominis
conversionem; secunda est sustinentia illa qua justus infatigabiliter
Dei exspectat repromissionem; tertia est qua spiritualis pater
praeoccupatum in aliquo filium in spiritu lenitatis instruens
aequanimiter ejus exspectat repromissionem. Est ergo longanimitas longa
per patientiam exspectatio; non prolixitate rei, sed voti. De hac
duplici longanimitate hominis ad Deum et ad hominem dicitur: Vae illis
qui perdiderunt sustinentiam! (Eccli. II.)
|
|
