|
Cum fieret bellum contra quinque reges, sol et luna steterunt (Josue X),
quia, dum pugnamus contra quinque sensus, non deserit nos sol justitiae,
qui ait- Ecce ego vobiscum sum usque ad consummationem saeculi (Matth.
XXVIII). Quinque reges confugiunt ad speluncam corporis, sed pugnante
Jesu, id est praedicante Evangelium, et Dei verbo ingrediente in nobis,
intra speluncam corporis omnes interficiuntur pariter.
Abraham cum ad occasum solis sacrificium offeret, insistentes aves
pertulit (Gen. XV); quia circa finem vitae quod in ara crucis offerimus,
immundi spiritus conantur magis maculare. Quas ne illud raperent jussus
abigit, cum immundis cogitationibus illud non sinit foedari quod mens
utiliter offerre Deo se putat.
|
|
