|
Tres sunt sagittae: timor, sermo Dei, et charitas. Primam postulat qui
dicit: Confige timore tuo carnes meas (Psal. CXVIII). De secunda
Apostolus: Penetrabilior est omni gladio ancipiti, pertingens usque ad
divisionem animae et spiritus (Hebr. IV). Tertia vulnerata est quae
dicebat: Stipate me malis quoniam amore langueo (Cant. II). Prima
sagitta transfodiuntur delectationes carnis, secunda interficiuntur
vitia animae, tertia excutitur omne vitium vel noxium ab ipsa anima:
tangitur illa pax Dei quae exsuperat omnem sensum (Philipp. IV), quae
facit ut jam non delectet, in quo carnalis sit sensus.
|
|
