|
Intravit Jesus in quoddam castellum (Luc. X). Castellum est anima,
vallum patientia, turris nomen Domini, fossae profunditas vera
humilitas, portae sensus corporei, arma opera virtutum, vigiles et
propugnatores sensus spirituales. Quorum alii vigilant per morum
circumspectionem, alii pugnant per vitiorum expulsionem, alii pausant
per internam coelestium contemplationem. Cibus est sacra Scriptura,
potus facilior intelligentia; principes, quatuor virtutes, prudentia,
justitia, fortitudo, temperantia.
|
|
