TIT. XCIV. De adversitati opponendis.

Adversitati tria sunt opponenda: Electorum agones et angustiae, quas patiuntur qui pie vivunt; redemptoris afflictiones et molestiae, quas ei saevissimi principes intulerunt; dispositio moderatricis justitiae, cujus altitudinem quasi virgae Joseph summitatem non discutere, sed adorare debemus. Haec sunt illa tria ostia, vectes et termini, quibus Dominus circumdat mare iniquitatis humanae (Job XXXVIII).