TIT. CXII. De triplici electorum desiderio.

Triforme est desiderium electorum: unanimiter habitare in Domino. Unde est: Unam petii a Domino, hanc requiram, ut inhabitem in domo Domini omnibus diebus vitae meae (Psal. XXVI). Victoriam obtinere de mundo. Unde est: Quis me liberabit de corpore mortis hujus? (Rom. VII.) Praesentialiter frui Deo. Unde est et illud: Desiderium habens dissolvi et esse cum Christo (Phil. I).