TIT. CLXII. De tribus thesauris faciendis.

Thesauri quos thesaurizare debemus tres sunt, desiderium pietatis in corde, qui absconditur in agro ut ematur; doctrina veritatis in ore, quae est thesaurus nivis et grandinis; assiduitas perseverans in homine, quae habet frumentum et hordeum et oleum et mel. Hi sunt thesauri Magorum, qui aurum, thus et myrrham nato Domino obtulerunt.