|
Qui semel datus est mundo in forma carnis, is cunctis diebus aut horis
datur fidelibus in specie panis, scilicet in esu sacramenti sui, sed
saepius et in cunctis horis devotis datur in gustu spiritus sui. Primum
ad redemptionem, secundum ad sanctificationem, tertium ad consolationem.
Primum exigit ut fides sit recta, secundum ut conscientia sit pura,
tertium ut devotio sit pura et prompta. Hoc mentem elevat, ut gratiae
occurrat; cor aperit, ut excipiat; affectum dilatat, ut plurimum inde
plus capiat.
|
|
