TIT. XLIII. De triplici via ad mortem.

Trifaria ratione dividuntur viae ad mortem: Alia aerumnosa pauperibus, qui divite animo intumescentes ab inopia temporali ad aeternam transferuntur; alia laboriosa in amaris, qui diversarum curarum angustiis districti obliviscuntur Dei, et ita ab his angustiis ad aeterna referuntur; deliciosa in divitibus, qui post dulcedines momentaneas sempiternam inveniunt amaritudinem.