|
Ingenium est vis quaedam naturaliter animo insita per se valens. Memoria
est rerum et verborum et sententiarum ac sensuum firmissima animi vel
mentis perceptio. Ingenium invenit, memoria custodit. Ingenium a natura
proficiscitur, usu juvatur, immoderato labore retunditur, et temperato
acuitur exercitio. Memoria per exercitium retinendi et assidue meditandi
maxime juvatur et viget. Duo sunt quae ingenium exercent, lectio et
meditatio. Lectio est cum ex his quae scripta sunt, regulis et
praeceptis informamur. Item lectio est per subjectam sensus
investigatio. Trimodum est genus lectionis, docentis, discentis, vel per
se inspicientis. Dicimus enim, lego librum illi, et lego librum ab illo,
et lego librum
|
|
