|
Quaeritur an ex dictis justitia, qua aliquis suspenditur pro furto, et
hujusmodi sit Evangelii. Quod videtur, cum Ecclesia tradat eum principi,
et omnis justitia Ecclesiae esse debeat, quod ibi docetur. Ecce duo
gladii hic (Luc. XXII). Quod si Ecclesiae est, ut videtur, quomodo
negari potest, quin justitia Evangelii gravior sit justitia legis, cum
lege praeceptum sit dentem pro dente, oculum pro oculo (Matth. V); hic
autem caput hominis pro capra detur. Solutio. Haec nullo modo justitia
Evangelii est, ut homo pro equo vel bove occidatur, nec in toto
Evangelio hoc praeceptum invenitur, nec id facit, sed tantum permittit
Ecclesia.
|
|
