|
Si verum est, sicut multi sentiunt, quod non plus valet voluntas cum
opere, quam voluntas sine opere, quomodo dicit Apostolus: Desidero
videre vos ut aliquem fructum habeam in vobis; cum plus meriti non
haberet ex opere, quam habuit ex sola voluntate? Solutio. Nobis autem
videtur majus bonum esse opus cum voluntate, quam solam voluntatem sine
opere. Sed dicunt illi: Ideo desiderabat venire, ut cum opere cresceret
voluntas, et majus fieret meritum. Quid dicent de passione Christi?
Nunquid non amplius patiendo meruit, quam prius solo desiderio? Non enim
possunt dicere ejus voluntatem in passione augmentatam esse, ut sic
cresceret meritum.
|
|
