QUAESTIO LXXXIX.

Justificati gratis per gratiam Christi. Quomodo dicat gratis per gratiam? nonne sufficeret gratis vel per gratiam? Videtur quod alterum superfluat. Solutio. Gratis dicit, id est sine omni merito nostro, per gratiam, id est per gratuita dona sua. Saepe etenim multa nobis confert per gratiam quidem, non tamen sine omni merito nostro: quod tamen non fit sine gratia ipsius.