QUAESTIO LXXIV.

Qui non habet quotidie necessitatem (Hebr. VIII). Quaeritur de sacrificiis legis quid utilitatis contulerunt: nunquid peccatorum remissionem? Solutio. Pro quibusdam peccatis peccantes prohibebantur ab ingressu, et per sacrificia sic reconciliabantur ut liceret eis ingredi in templum: non autem per talem remissionem fiebant digni vita aeterna.