QUAESTIO LXXXIX.

Quaeritur cur baptismus non possit iterari: cujus iteratio negata est hic ab Apostolo secundum quosdam? Solutio. Quia baptismus simul et culpam et poenam aufert. Unde si iteraretur, non solum vilesceret, sed etiam ad peccatum invitaret. Sed dicet aliquis: eadem ratione nec poenitentia deberet iterari, ne vilescat vel ad peccandum provocet. Solutio. Aliud judicium est de poenitentia, quae per poenae irrogationem a peccato cohibet, quam de baptismo, quo et culpa et poena ex toto remittitur.