QUAESTIO XCII.

Mihi vindictam, et ego retribuam, dicit Dominus. Quaeritur, an semper vindicta sit reservanda Domino; nunquid non licet homini vindictam sumere? Nonne licite latrones suspenduntur? Solutio. Non licet homini sibi sumere vindictam, nec eam affectare debet; sed si sumere necesse est, Deus tantum sit in causa, et zelus justitiae, qui autem aliter sumit, mortaliter peccat. Juxta illud: Qui gladium acceperit, gladio peribit (Matth. XXVI).