QUAESTIO XIX.

Dicit expositor quod qui ab illicitis abstinet laudem habet; qui vero a licitis temperat, laudem et praemium quasi diceret: Ille vitat poenam, hic etiam meretur coronam. Sed nonne etiam ille, qui abstinet ab illicitis, non solum laudem, sed etiam mercedem habet? Solutio. Qui abstinet ab illicitis semper vitat poenam, sed non semper meretur coronam, nisi tunc tantum, quando tentatur et impugnatur.