|
Quem nemo hominum vidit, nec videre potest. Nonne Abraham vidit Deum, et
Moyses, et caeteri patres? Quomodo ergo verum, quod nemo Deum vidit
unquam? Item, nonne et nos ejus visionem speramus? Sed quomodo, si nemo
potest eum videre? Solutio. Deus in natura sua est invisibilis oculo
carnis illae vero visiones sanctis patribus in creatura subjecta
exhibitae sunt. Unde Moyses post figuras illas, in quibus Deus
videbatur, ait: Domine, ostende mihi faciem tuam (Exod. XXXIII). In
futuro autem videbitur Deus a mundo corde, et nunc videtur a sanctis
angelis.
|
|
