|
Gratia, misericordia et pax, etc. Quaeritur cur praeter solitum,
Apostolus in hac salutatione tria ponat dicens, gratia, misericordia, et
pax. Solutio. Novem praecedentes Epistolas scripsit communiter ad
Ecclesias. Hanc autem specialiter Timotheo coepiscopo; ideo tria ponit.
Per misericordiam idem intelligens, quod in aliis per gratiam scilicet
remissionem peccatorum; per pacem tranquillitatem et praelibationem
futurae vitae; per gratiam vero intelligit donationem Spiritus sancti,
qua armantur ministri Christi.
|
|
