|
Oblivioni tradidit Dominus in Sion festivitatem et Sabbatum. Id est non
solum repulit haec, sed post repulsam amplius non requirit. Quod proprie
ad ultimam captivitatem pertinet, quando jam manifestata gratia, prioris
legis observantiae penitus eversae sunt et repudiatae. Sequitur:
Et in opprobrium et in indignationem furoris sui regem et sacerdotem.
Subauditur, tradidit. Regi honor debetur, devotio in sacerdote
diligitur. Ac nunc pro honore opprobrium regi, ac pro devotione
indignatio redditur sacerdoti, ut omnis Judaici populi excellentia et
religio destructa ostendatur. Sequitur:
|
|
