|
Inest autem qualitati contrarietas, licet non omni. Quod qualiter
intelligatur dictum est in praedicamento substantiae. Dicit autem
philosophus, quod dubitatur utrum qualitas suscipiat magis et minus,
non autem dubitatur de quali: nam dubitatur utrum justitia sit magis
vel minus, non autem utrum justus, quia dicitur justior, seu magis
justus: quod qualiter intelligatur, ibidem dictum est. Proprium vero
qualitatis est secundum eam simile vel dissimile dici, quod in
praedicamento quantitatis declaratum est. Et sic patet de
praedicamento qualitatis.
|
|
