|
Sed iam accedere oportet ad ponendum auctoritates doctorum
Graecorum, ex quibus habetur expresse quod spiritus sanctus sit a
filio. Dicit enim Athanasius in epistola ad Serapionem: Christus
de suo spiritu dixit: non loquetur a semetipso, sed quaecumque audiet
loquetur, idest, non est a semet ipso ut sit imprincipiatus spiritus,
quod est solius patris; sed maxime et proprie est ab ipso filio, a quo
et accipit ut sit Deus essentia, ab eo etiam audit quae et loquitur.
Et Basilius dicit contra Arium et Sabellium: quomodo adoptat in
filio spiritus sanctus, si alienus est a patre et filio? Quomodo
inhabitat extraneus in illis quos Christus redimit, si non est a
Christo?
|
|
