|
Idem in eodem: quoniam lex a spiritu sancto est posita. Scimus
quidem, ait apostolus, quia lex spiritualis erit. Item: lex
spiritus uite in Christo Ihesu liberauit me a lege peccati et mortis.
Ecce legem nominauit spiritalem, hoc est propter spiritum sanctum; et
statim spiritum uocat legem Dei. Manifestissime dixit quod spiritus
sanctus sit Deus in eo quod dixit lex spiritus uite, ut non tantum
spiritus sanctus inueniatur dare legem, sed et decenter existat
spiritus uite. At quis est uita? Ille equidem qui dixit Christus:
ego sum uia et ueritas et uita; tamquam in ipso ueraciter et ex ipso
naturaliter spiritus eius existens spiritualem legem ponit.
|
|
