|
Epiphanius Ciprensis. Sanctus Epiphanius episcopus Ciprensis,
maximus doctor, qui fuit intra tempus secundi et tertii Concilii,
contemporaneus Crisostomo, in libro ancorali in quo fidem Trinitatis
et formam Ecclesie, id est ordinem, exposuit - in quo libro qui
legit et intelligit a uento errorum moueri non potest quia uelud nauis a
firma ancora contra tempestatem tenetur -: ecce pater in celo per
uocem testificatur filium; ecce filius in Iordane per carnem; ecce
spiritus sanctus in specie columbe affiguratur ueniens. Sed numquid
corpus columbe assumpsit? Minime. Consuetudinaria affigurabatur
specie quadam apparens, sed in se hypostasis uera existens, id est
essentia personalis, non alia a patre et a filio usia, id est
essentia, nec aliena sed eiusdem essentie ueraciter hiparchon, id est
existens, hypostasis uero per se ex hypostaseos, id est ex existentia
essentiali, patris et filii.
|
|
