|
Idem Crisostomus, et Theofilatus Uulgarorum (consulta)
Iustiniane prime Ecclesie presul (et Philippus telonuta) magnus
doctor, super Iohannem: cum igitur discipuli dispersi in passione
congregati essent post resurrectionem cum zoifero, id est uitam
ferente, et (zoodota), id est datiuo uite, Simoni Petro, dicit:
Simon, inquam, diligis me plus hiis et cetera. Ex quo in morte uite
mors subcubuit cuius erani ruerunt, pastor iam requirit pastorem cui
oues antequam ipse redimeret promiserat se commissurum. Postquam enim
redemit, quia hic antropothen, id est humanitus, mansurus non erat,
adhuc requirit ton pimena, id est pastorem, ad committendas oues coram
omnibus discipulis quas redimerat sue cure, dicens: pasce oues meas,
discretos scilicet et populorum rectores, pasce agnos meos, id est
innocentes, ut per te ad me ueniant et per me ad patrem. Ter te
interrogabo an me diligis, quia ter me tepidus et timidus negasti;
nunc autem reductus, ne credant te fratres gratiam et clauium
auctoritatem amisisse, quia amas me coram ipsis tibi iam confirmo quod
meum est plenum. Pasce igitur ita oues meas, loco meo epistata, id
est prepositus, esto fratrum et feruentem amorem quem dicebas te habere
in me, quod animam tuam pro me poneres, nunc uice mei pone pro
ouibus.
|
|
