|
Idem in libro margaritorum: celebra Iuda, ait Naum propheta,
festiuitates tuas, redde Deo orationes tuas; non enim fas est tibi ad
statuta ueterrima peruenire. Que festiuitates? Omnes ille ueteres
erant imagines portantes nouarum festiuitatum. Prima illarum erat
festum azimorum, imaginem habens dominice passionis rationalis et ueri
agni. Secunda autem post hoc festum erat dies festi Pentecostes,
imaginem habens emissionis sancti et adorati Paracliti. Tertia uero
solempnitas erat festum tabernaculorum, et ipsam imaginem portabat
celestium tabernaculorum. In Christo enim est complementum omnium
illarum festiuitatum. Christus ergo impleuit omnia, plenitudo legis
idem ipse.
|
|
