|
Quod si ipsa fuerit in servitute detenta; si eam a servitute redimere
potest, faciat; si non potest, si voluerit, aliam accipiat.
Sciendum, quod si antequam sit detecta servitus uxoris, de qua
dubitatur, petat debitum; si levi suspicione moveatur vir, debet
reddere debitum: nec ex hoc ei aliquod praejudicium generatur. Si
autem ex causa probabili dubitet, vel vehementer praesumat, aut certe
cognoscat; non debet ei debitum reddere, Ecclesia praecipiente: quia
vel sibi praejudicium faceret, si eam uxorio affectu cognosceret; aut
alias fornicaretur.
|
|
