|
Hic ponit civium captorum irrisionem ab hostibus: et primo improperat
eis sanctorum prophanationem: clamaverunt, scilicet hostes, eis,
scilicet Judaeis, recedite, in captivitatem de loco sancto, nolite
tangere, sancta vos immundi. Lev. 21: omnis qui habuerit maculam
de semine Aaron, non accedet offerre hostiam. Secundo improperat eis
Dei indignationem quantum ad divini auxilii destitutionem: jurgati
sunt, hostes contra Judaeos, et commoti, utrique isti objurgando,
et illi dolendo ut inhabitet, Deus vos defendens. Psal. 70:
dicentes: Deus dereliquit eum.
|
|
