|
Et videtur quod sic.
1. I ad Cor. IX, 11: si nos vobis spiritualia seminamus,
magnum est si nos carnalia vestra metamus?
2. Praeterea, ius naturale habet quod homo vivat de labore suo:
dignus est enim operarius mercede sua; I Tim. V, 18. Hoc enim
concessum est homini a creatore: in sudore vultus tui vesceris pane;
Genes. III, 19.
Contra, usurarii nihil habent nisi quod est alienum.
Respondeo. Dicendum, quod de rapina usurae et huiusmodi, in
generali loquendo, non potest fieri eleemosyna; Is., LXI, 8:
odio habens rapinam in holocausto. Tamen in speciali casu
praedicatoribus qui praedicant usurariis, et monent eos restituere,
licitum est accipere; et haec est una ratio. Alia est quando non
habent alias unde vivant, et in extrema necessitate omnia sunt
communia, et ab omnibus licite accipere ad sustentationem et
necessitatem possunt.
|
|
